इटालीको कोरोना–फ्री गाउँ, जहाँ स्थानीय सरकारले गर्दैछ १ युरोमै घर बिक्री

२०७७ असार १ गते, सोमबार

कोरोनाभाइरस (कोभिड–१९) बाट अति प्रभावित देशहरुको सूचीमा पर्छ, इटाली । तर यहाँको दक्षिणी शहर कलाब्रियास्थित सानो गाउँ चिन्कोफ्रोन्डीमा अहिलेसम्म कोभिड–१९ का बिरामी भेटिएका छैनन् ।

अनि, कसैले यो ‘कोरोना फ्री’ गाउँमा बस्न चाहन्छ भनेपनि उसले पैसाका कारण टाउको दुखाउनुपर्दैन, किनकी यहाँ केवल १ युरो अर्थात् नेपाली १ सय ३६ रुपैयाँ ६५ पैसामा घर पाइन्छ ।

इटलीमा लकडाउन खुकुलो भएसँगै सुरु गरिएको यो अभियानलाई मेयर मिसेल कोनियाले ‘अपरेशन ब्युटी’ भनेका छन् ।  ‘हामी ताजगी ल्याउने पहाड र दुई न्यानो समुन्द्रबीचबाट उठ्नेछौं । सुन्दर नदी नजिकैबाट बग्छ र समुन्द्री किनार कारबाट १५ मिनेटमा पुग्न सकिन्छ । तर, मेरो गाउँका सबै क्षेत्र मरुभूमिजस्तो बनेका छन्, खाली घरहरु अस्थिर र जोखिम समेत बनेका छन्,’ कोनियाले भने ।

यस गाउँको जनसंख्या बढाउनका लागि नै यति सस्तो मूल्यमा यी घरहरु प्रस्ताव गरिएको हो । यहाँका, युवाहरु जागिर खोज्दै ठूला शहरमा पुगेर बसेका छन् । त्यसैले चिन्कोफ्रोन्डी नयाँ मानिसहरुलाई गाउँमा स्वागत गर्न चाहन्छ । ‘धेरैजसो खाली घरहरुका लागि नयाँ मालिकको खोजी गर्नु नै अपरेशन ब्युटी अभियानको महत्वपूर्ण पाटो हो । मैले यस गाउँका हराएका  मासिएका संरचनालाई फेरि रिकभर गर्ने सोचेको छु,’ कोनियाले भने ।

अहिले यस योजनाअन्तर्गत १२ वटा घर उपलब्ध छन् र गाउँभर ५० भन्दा धेरै खाली घर छन् । ‘यदि हामीसँग ठूलो माग आयो भने दशकौंदेखि खाली भएका अन्य सबै भवनलाई स्वामित्वमा लिनसक्छौं किनकी पुराना मालिकहरु कहीँ पनि भेटिँदैनन् ,’ कोनियाले भने ।

यस योजनाअन्तर्गत चिन्कोफ्रोन्डीमा घर किन्नेले प्रक्रिया र घरको पुननिर्माण पूरा नभएसम्म वार्षिक रुपमा पोलिसी इन्सुरेन्स शुल्क २ सय ५० युरो बुझाउनुपर्छ । त्यस्तै, समयमै घर पुनर्निर्माण गर्न पनि जरुरी छ । अन्यथा, चर्को जरिवाना तिर्नुपर्ने हुन्छ । तीन वर्षसम्म घरको स्टाइल पूरा भएन भने २० हजार जरिवाना तिर्नुपर्न यस योजनाको नियम छ ।

यद्यपी चिन्कोफ्रोन्डीका घरहरु पनि साना आकारका छन्, झन्डै ३ सय २३ स्क्वायर फिटदेखि ४ सय ३० स्क्वायर फिटसम्म , जसको अर्थ पुनर्निर्माणमा पनि कम समय र पैसा खर्च हुनेछ । ‘घर किन्ने नयाँ मानिस यस परियोजनाप्रति प्रतिवद्ध भइसकेपछि हामीले केवल उनीहरुसँग निश्चितता मात्रै खोज्ने हो । यहाँ पोलिसी शुल्क निकै कम छ र १० हजारदेखि २० हजार युरो वा बढीमा ११ हजारदेखि २३ हजार युरोसम्म घरको पुनर्निर्माण भइसक्नेछ किनकी यहाँका घरहरु साना छन्,’ कोनियाले भनेका छन् ।

सीएनएन

ताजा

स्तरोन्नति नगर्दा ग्रामीण सडक बर्षेनी अबरुद्ध

२०७८ भाद्र ६ गते, आईतवार

स्तरोन्नति नगर्दा ग्रामीण सडक बर्षेनी अबरुद्ध

२०७८ भाद्र ६ गते, आईतवार

खानेपानीको जारमा मरेको भ्यागुतो

२०७८ भाद्र ५ गते, शनिबार

ढिम्की मन्दिरमा १ लाख भक्तजन भेला भए

२०७८ भाद्र १ गते, मंगलवार

कृशलाको हत्यारा सार्वजनिक घरबार बिगारेको भन्दै हत्या गरेको खुलासा

२०७८ श्रावण ३२ गते, सोमबार

कोरोना संक्रमणको ‘रेड जोन’मा काठमाडौँ, निषेधाज्ञामा कडाइ गरिँदै

२०७८ श्रावण ३२ गते, सोमबार

लिम्चुङबुङमा इलाका प्रहरी कार्यालय भवन सिल्यान्यास

२०७७ मंसिर २० गते, शनिबार

जनतालाई सही सूचना दिऔँ, पत्रकारिता क्षेत्रको गरिमा बढाऔँ : मन्त्री गुरुङ

२०७७ मंसिर १५ गते, सोमबार

रौतामाईमा पहिलो पटक २ जनामा कोरोना संक्रमण पुष्टि

२०७७ आश्विन २७ गते, मंगलवार

भोर्लेबासीका लागि बरदान भूपू लाहुरे गाउँलेले पाए ३० वर्षपछि सुद्ध खानेपानी

२०७७ आश्विन २४ गते, शनिबार

उदयपुरगढी गाउँपालिकाले पुराना संरचनाहरुको संरक्षण गर्ने

२०७७ आश्विन १० गते, शनिबार