२०८१ कार्तिक २१, बुधबार १०:३३ 
एजेन्सी । अमेरिका राष्ट्रपति निर्वाचनमा डोनाल्ड ट्रम्पले अग्रता बढाउँदै लगेका छन् ।
५० राज्यमध्ये ३७ राज्यको नतिजा सार्वजनिक हुँदा ट्रम्पले अग्रता बढाउँदै लगेका हुन् । ३७ राज्यमध्ये २४ मा रिपब्लिकन पार्टीका उम्मेदवार डोनाल्ड ट्रम्प र १३ वटामा डेमोक्रेटिक पार्टीकी कमला ह्यारिसले जितेकी छन् ।
डेमोक्रेटिक पार्टीको राम्रो मानिएको क्षेत्रमा ह्यारिसको पक्षमा नतिजा आएको छ । रिपब्लिकनको राम्रो मानिएको ट्रम्पको पक्षमा नतिजा आएको छ ।
निर्णायक मानिएको ७ स्वीङ स्टेटको नतिजा नआएसम्म नतिजा कसको पक्षमा जान्छ भन्न नसकिने समाचारमा जनाइएको छ ।
अमेरिकाको ५० स्टेटमा ५३८ इलेक्टोरेल मत (सिट)का लागि चुनाव भएको हो । बहुमतका लागि २७० इलेक्टोरेल भोटको आवश्यक पर्दछ । अहिलेसम्म ट्रम्पले २३० इलेक्टोरल कलेज भोट प्राप्त गरेका छन् र ह्यारिसले १८७ भोट प्राप्त गरेकी छन् ।
यो चुनावमा ट्रम्पले जितेमा ४ वर्षपछि पुनः ह्वाइटहाउस जानेछन् । ह्यारिसले जितेमा पहिलो अमेरिकी महिला राष्ट्रपति बन्नेछिन् ।
प्रकाशित मिति: २०८१ कार्तिक २१, बुधबार १०:३३ 
इमेल: mulukikhabarko@gmail.com
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
