काठमाडौं । चिकित्सकलाई दिने निर्वाह भत्ताबारे स्वास्थ्य तथा जनसङ्ख्या मन्त्री र शिक्षा विज्ञान तथा प्रविधिमन्त्रीले संयुक्त रुपमा गरेको निर्णयविरूद्ध आवासीय चिकित्सकहरू सडक आन्दोलनमा उत्रिएका छन् ।
स्वास्थ्य मन्त्री प्रदीप पौडेल र शिक्षामन्त्री विद्या भट्टराईबीच निर्वाह भत्ताका विषयमा भएको ३ बुँदे निर्णय खारेजीको माग गर्दै उनीहरु सडकमा उत्रिएका हुन् ।
मंगलबारदेखि आन्दोलन सुरु गरेका विभिन्न मेडिकल कलेजमा अध्ययनरत आवासीय चिकित्सकहरूले बुधबार माइतीघर मण्डलामा धर्ना दिएका छन् ।