२०८३ जेष्ठ १६, शनिबार १२:३९
नसुनाऊ मलाई अरूका कुरा
एक पटक सबैको फुटेको छ भाग्यको चुरा
म बाँचेको यसैले हो लत भए पनि
म मेरो नजरमा सही छु, तिम्रो नजरमा गलत भए पनि ।
म आफ्नै तालमा नाच्छु तर जुरेली होइन
म आफूलाई खुसी बनाउँछु जुन झेली होइन ।
मान्छु तिम्रो सोच, सपना अल्छी छैन
तिमीलाई समात्न सक्ने कुनै बल्छी छैन
तर विचार गर तिमी पनि
अँध्यारोलाई सराप्दैमा जुन पल्टिँदैन ।
चिन्न नखोज मलाई, कोही होइन म
छिन्न नखोज मलाई, ठेकीको मही होइन म
झुटो सुख र दुःख कहिल्यै पनि साट्दिनँ
नक्कली आँसु बोक्ने पानीको गोही होइन म ।
नसुनाऊ मलाई अरूका कुरा
एक पटक सबैको फुटेको छ भाग्यको चुरा
म बाँचेको यसैले हो लत भए पनि
म मेरो नजरमा सही छु, तिम्रो नजरमा गलत भए पनि ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
