
पोखरा । सहकारी ठगीमा पोखराको मित्र मिलन बचत तथा ऋण सहकारी लिमिटेडका उपाध्यक्षलाई प्रहरीले पक्राउ गरेको छ ।
सहकारीका उपाध्यक्ष विजय लम्साललाई ससुराली घरबाट पक्राउ गरिएको जानकारी प्रहरीले दिएको छ । सहकारी ठगी प्रकरणमा अध्यक्ष रमण पौडेल, कार्यकारी अधिकृत किरण अधिकारी, पत्रकार अर्जुन गिरी, सञ्चालक सदस्य गोपाल खनाल, सल्लाहकार शेयर सदस्य राजु बराल, शेयर सदस्य बुद्धिसागर पौडेल र राष्ट्रिय सहकारी बैंक लिमिटेडका कास्कीका पूर्वव्यवस्थापक सन्तोष घिमिरे थुनामा छन् ।
मु्द्धा विचाराधीन छ । फैसला हुन बाँकी छ । तर, उपाध्यक्ष लम्साल फरार थिए । प्रहरीले खोजी गरिरहेको थियो ।
सहकारी ठगीमा संलग्नविरुद्ध ३१ करोड बिगो दाबीसहित कास्की जिल्ला अदालतमा मुद्दा दर्ता भएको थियो ।

























