राष्ट्रपतिको स्वास्थ्य अवस्था सामान्य

काठमाडौं । राष्ट्रपति रामचन्द्र पौडेलको प्रोस्टेट सम्बन्धी शल्यक्रिया सम्पन्न भएको छ । बुधबार शल्यक्रिया गरिएका उनको अवस्था सामान्य रहेको चिकित्सकले बताएका छन् ।

महाराजगन्जस्थित त्रिभुवन विश्वविद्यालय शिक्षण अस्पतालमा शल्याक्रिया सफलतापूर्वक सम्पन्न भएको हो । अस्पतालका निमित्त कार्यकारी निर्देशक प्रा.डा. घनश्याम गुरुङका अनुसार आधुनिक प्रविधिबाट शल्यक्रिया (बाइबोलार टर्प) सफलतापूर्वक सम्पन्न भएको छ ।

राष्ट्रपति पौडेल प्रोस्टेटसम्बन्धी उपचारको लागि अस्पतालमा भर्ना भएका थिए । हाल उनको स्वास्थ्य अवस्था सामान्य रहेको र डिस्चार्जका विषयमा पछि निर्णय लिइने जानकारी अस्पतालले दिएको छ ।