आन्दोलनरत शिक्षकहरुलाई पत्र

Share this
706shares
मुलुकी खबर
मुलुकी खबर
clock२०८१ चैत २५, सोमबार १५:५१

आदरणीय शिक्षक मित्रहरु,

हामी विशेष परिस्थितिका कारण काठमाडौं जान पाइरहेका छैनौं भने हामीले ‘डिजिटल’ आन्दोलन गर्न जरुरी छ।

विद्यालय बन्द छ भन्ने मौका छोपेर टुर जाने, टिकटक बनाउने, घुमफिरमा रमाउने गर्नु कत्तिको उचित होला ? हाम्रा प्रिय मित्रहरु टन्टलापुर घाममा भोक प्यास नभनी हाम्रो अधिकारको लडाइँमा हुनुहुन्छ । हामी अन्य हिसाबले रमाइ रहँदा उहाँहरुको मनमा कति चोट पुग्ला ? यसको ख्याल गरेका छौँ ? यो लडाइँ अमूक व्यक्ति र पात्रको मात्र हैन ।

सिंगो शिक्षक र राष्ट्रका लागि गरिएको लडाइँ हो । शिक्षक भएर राज्यको भविष्य र हाम्रो पेसागत सुरक्षाको लडाइँलाई अपमान हुने कार्यहरु नगरिदिनु सबैमा हार्दिक अनुरोध गर्दछु। हामी गर या मरको स्थितिमा छौँ ।

सकिन्छ सशरीर आन्दोलनमा जाऔं । सकिँदैन भने ‘भर्चुअल’ विद्रोह गरौं । तर, आन्दोलनकै उपहास हुने कार्यमा नलागौं । हाम्रा साथीहरुले बोलेका, विभिन्न सञ्चारमाध्यमबाट प्रकाशित भएका हाम्रा समाचारलाई सेयर गरौं ।

आजको दुनिया ‘भर्चुअल’को छ । यसले ठूलो प्रभाव र दबाब सिर्जना गर्न सक्छ । त्यसैले मेरा प्रिय मित्रहरु भरपुर सामाजिक सञ्जालमा हाम्रा माग र मुद्दा फैलाऔं । यसले आन्दोलनमा उपस्थित भएका साथीहरुको हौसला बढाउँछ । हामी पनि हौसला बढाउने कार्यमा लागौं ।

जय शिक्षक ।।।

शिक्षक

प्रशान्त निरौला

श्री सर्वोदय मावि
धनपालथान, मोरङ

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.