पियू कर्मचारी संघको नवनिर्वाचित समितिको शपथ ग्रहण

Share this
674shares
मुलुकी खबर
मुलुकी खबर
clock२०८२ जेठ २५, आइतबार २०:१९

विराटनगर । पूर्वाञ्चल विश्वविद्यालय कर्मचारी संघको नवनिर्वाचित केन्द्रीय कार्यसमितिका पदाधिकारीलाई प्रमाणपत्र प्रदान गरिएको छ ।

विराटनगरमा आइतबार (आज) एक कार्यक्रमका बीच सभापति रूपेश बस्नेतको नेतृत्वमा नवनिर्वाचित पदाधिकारीहरूलाई प्रमाणपत्र प्रदान गर्नुका साथै शपथ ग्रहण गराइएको हो ।

समितिको उपसभापतिमा कोपिला खड्का, महासचिव सुरेन्द्रकुमार यादव, सचिव कोमलप्रसाद गौतम, कोषाध्यक्ष बोधनाथ खड्का निर्वाचित भएका थिए ।

त्यस्तै, सदस्यहरूमा बोधराज निरौला, अनिता राजवंशी, तुलसीप्रसाद बराल, रामबाबु यादव, कविन दाहाल, अनु कार्की निर्वाचित भएका थिए ।

कार्यक्रममा पूर्वाञ्चल विश्वविद्यालयका उपकुलपति विजुकुमार थपलियालगायतले पूर्वाञ्चल विश्वविद्यालय कर्मचारी संघका पदाधिकारीलाई कार्यकाल सफलताको शुभकामना दिएका थिए ।

उपकुलपति थपलियालगायतले नवनिर्वाचित कार्यसमितिका पदाधिकारी तथा इकाईका पदाधिकारीहरूलाई अबिर, खादा र प्रमाणपत्र हस्तान्तरण गरे ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.