२०८२ फाल्गुन २, शनिबार २१:२७
विराटनगर । विराटनगरका शिक्षक तथा शिक्षासेवीहरूको सामूहिक लगानीमा मार्टस मेमोरियल प्लस टु सञ्चालनमा आएको छ ।
याे कलेजले आगामी नयाँ शैक्षिक सत्रदेखि कक्षा सञ्चालन गर्नेछ ।
विराटनगरलाई शैक्षिक ‘हब’ का रूपमा विकास गर्ने उद्देश्यका साथ करिब ७ करोड रुपैयाँको लगानीमा कलेजकाे संरचना निर्माण सुरु भएको छ ।
मार्टर्स मेमोरियल फाउण्डेसनले विराटनगर–१०, निलसदन दक्षिणस्थित साढे ५ कट्ठा जग्गामा निर्माण गर्न लागेको चारतले भवनको शनिबार शिलान्यास गरिएको हाे ।
आगामी तीन महिनाभित्र निर्माण सम्पन्न गर्ने लक्ष्य राखिएको भवन पूर्ण रूपमा वातानुकूलित, स्मार्ट कक्षाकोठा र आधुनिक प्रयोगशालासहितको हुने फाउण्डेसनका प्रिन्सिपल सीएम श्रेष्ठले जानकारी दिए ।
आउँदो शैक्षिक सत्रदेखि विज्ञान, कम्प्युटर साइन्स, व्यवस्थापन र होटल व्यवस्थापन संकायमा पठनपाठन सुरु गर्ने योजना छ ।
प्लस टु सञ्चालनका लागि विराटनगरका १० भन्दा बढी प्रतिष्ठित संस्थागत विद्यालयका प्रिन्सिपलसहित २९ जना शिक्षाकर्मीको सामूहिक लगानी रहेको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×