केशलिया खोलामा सेफ्टी ट्याङ्कीको फोहोर, तीन ट्याङ्कर नियन्त्रणमा

Share this
725shares
मुलुकी खबर
मुलुकी खबर
clock२०८२ चैत १०, मंगलबार १८:५९
केशलिया खोलामा सेफ्टी ट्याङ्कीको फोहोर, तीन ट्याङ्कर नियन्त्रणमा

विराटनगर । केशलिया खोला र आसपासका क्षेत्रमा शौचालयजन्य फोहोर फ्याल्ने तीन वटा ट्यांकर विराटनगर महानगरपालिकाले नियन्त्रणमा लिएको छ ।

मंगलबार दिउँसो विराटनगर–६ स्थित केशलिया खोलामा सेफ्टी ट्याङ्कीको फोहोर फालिरहेको अवस्थामा नगर प्रहरीले को १ त ३८८३, को १ त ९४०२ र को २ त ४३७० नम्बरका ट्यांकर नियन्त्रणमा लिएको हो ।

महानगर प्रहरी प्रमुख राजन पौडेलका अनुसार सार्वजनिक स्वास्थ्य र वातावरणमा गम्भीर असर पार्ने गतिविधि गरेका कारण नियन्त्रणमा लिइएको हो ।

खोलामा मिसाइने शौचालयजन्य फोहोरले हैजा, झाडापखाला लगायतका जलजन्य रोग फैलिने उच्च जोखिम सिर्जना गर्दछ । केशलिया खोलाको पानी स्थानीय कृषकले पशुपालन र सिंचाइमा समेत प्रयोग गर्छन् । यसअघि महानगरले सेफ्टीट्यांकी व्यवसायीहरुलाई खुला स्थान र खोलामा फोहोर नफाल्न निर्देशन दिएको थियो ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.