एकै महिनामा १२ हजारभन्दा बढी चालक कारबाहीमा

Share this
693shares
मुलुकी खबर
मुलुकी खबर
clock२०८३ कात्तिक ३०, सोमबार १६:२९

काठमाडौं । काठमाडौं उपत्यकामा कात्तिक महिनामा ट्राफिक नियम उल्लंघन गर्ने १२ हजार ९६७ जना सवारीचालक कारबाहीमा परेका छन् ।

काठमाडौं उपत्यका ट्राफिक प्रहरी कार्यालयका अनुसार कारबाहीमा पर्नेमा सबैभन्दा धेरै मादक पदार्थ सेवन (मापसे) गरी सवारीसाधन चलाउने चालक छन् ।

कार्यालयका प्रवक्ता एवं प्रहरी उपरीक्षक नरेशराज सुवेदीका अनुसार कात्तिक १ देखि २९ गतेसम्म मापसे गरी सवारी चलाउने दुई हजार ८९२ जना र लागुपदार्थ सेवन (लापसे) गरी सवारी चलाउने ७८ जना चालक कारबाहीमा परेका छन् ।

मादक पदार्थ वा लागुपदार्थ सेवन गरी सवारी चलाउँदा सडक दुर्घटनाको जोखिम बढ्ने भएकाले प्रहरीले त्यस्ता गतिविधि नियन्त्रण गर्न नियमित जाँच तथा निगरानी गर्दै आएको जनाएको छ । सवारी तथा यातायात व्यवस्था ऐन, २०४९ लगायत प्रचलित कानुनले मापसे र लापसे गरी सवारी चलाउन निषेध गरेको छ ।

प्रहरीले सवारीचालकलाई ट्राफिक नियम पूर्ण रूपमा पालना गर्न र मादक पदार्थ तथा लागुपदार्थ सेवन गरी सवारीसाधन नचलाउन आग्रह गरेको छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.