अर्को संसद बैठक चैत २२ गते बस्ने

काठमाडौं । संघीय संसद अन्तर्गत प्रतिनिधिसभाको अर्को एवं दोस्रो बैठक चैत २२ गते आइतबार बस्ने भएको छ । बिहीबारको पहिलो बैठक सम्पन्न भएसँगै अर्को बैठकको मिति तय गरिएको छ ।

प्रतिनिधिसभा निर्वाचनपछि बिहीबार संसदको पहिलो बैठक बसेको हो । पहिलो बैठकको अन्त्यमा सभाको अध्यक्षता गरिरहेका ज्येष्ठ सदस्य अर्जुननरसिंह केसीले आगामी बैठकको मिति र समयका बारेमा जानकारी गराए ।

Advertisement

बैठकको समापन गर्दै उनले प्रतिनिधिसभाको अर्को बैठक ‘२०८२ साल चैत २२ गते आइतबार बिहान ११ बजे’ बस्ने गरी स्थगित गरिएको घोषणा गरे । यससँगै बिहीबारको कार्यसूचीमा रहेका छलफल तथा प्रक्रियाहरू पूरा भएपछि सभा औपचारिक रूपमा अन्त्य गरिएको हो ।

संघीय संसदको नियमित कार्यतालिका अनुसार विभिन्न विधेयक, नीति तथा समसामयिक विषयमा छलफलका लागि प्रतिनिधिसभा बैठकहरू सञ्चालन हुनेछन् । बिहीबारको बैठकमा पनि निर्धारित कार्यसूची अनुसारका विषयहरूमा छलफल अघि बढाइएको थियो ।