२०८२ चैत्र २७, शुक्रबार ०९:४२
विराटनगर । कानुन विषय अध्ययन गर्न चाहने विराटनगरका विद्यार्थीहरूका लागि खुसीको खबर छ ।
त्रिभुवन विश्वविद्यालयले कानुन सङ्कायले शैक्षिक सत्र २०८२ /०८३ का लागि विराटनगरस्थित डिग्री क्याम्पसमा पनि ३ वर्षे एलएलबी अध्यापन सुरु गर्ने भएकाे छ । विराटनगरमा यसअघि पूर्वाञ्चल विश्वविद्यालयमा मात्रै कानुन अध्यापन हुन्थ्याे । नयाँ शैक्षिक सत्रदेखि त्रिभुवन विश्वविद्यालयले पनि अध्यापन सुरु गर्ने भएकाे हाे ।
त्रिवि कानुन सङ्काय, डीनको कार्यालयले सार्वजनिक गरेको सूचना अनुसार, शैक्षिक कार्यक्रम विस्तार गरिएका क्याम्पसहरूको सूचीमा विराटनगरको डिग्री क्याम्पसलाई पनि समावेश गरिएको हो । यो क्याम्पसका लागि एलएलबी तहमा ३०० वटा सिट निर्धारण गरिएको छ ।
त्रिविले देशभरका आङ्गिक तथा सम्बन्धन प्राप्त क्याम्पसहरूमा ३,८०० विद्यार्थीका लागि भर्ना खुला गरेको छ । भर्ना हुन इच्छुक विद्यार्थीहरूले चैत ३० गतेदेखि आवेदन दिन सक्नेछन् ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×