एसईई नतिजा वैशाखभित्रै

काठमाडौं । माध्यामिक शिक्षा परीक्षा (एसईई)को नतिजा वैशाखभित्रै सार्वजनिक गर्ने तयारी भइरहेका छ ।

आगामी वैशाख २९ गतेभित्र नतिजा सार्वजनिक गर्ने तयारी राष्ट्रिय परीक्षा बोर्डले गरेको हो । बोर्डका अनुसार अहिले उत्तरपुस्तिका इन्ट्री तथा परीक्षणको कामलाई तीव्र पारिएको छ ।

यस वर्षको एसईई परीक्षा चैत १९ देखि २९ गतेसम्म सञ्चालन भएको थियो । परीक्षा बोर्डका अनुसार यसपटक परीक्षार्थीहरूको उत्तरपुस्तिका परीक्षण परीक्षा केन्द्रमै गरिएको थियो ।

बोर्डले निर्धारित समयमै नतिजा सार्वजनिक गर्न सबै प्राविधिक तथा प्रशासनिक कामलाई प्राथमिकताका साथ अघि बढाइएको जनाएको छ । उत्तरपुस्तिका संकलन, परीक्षण र अंक प्रविष्टि (इन्ट्री) कार्य अहिले अन्तिम चरणमा पुगेको जनाइएको छ ।

एसईई नतिजा सार्वजनिक भएपछि विद्यार्थीहरू आफ्नो शैक्षिक यात्राको अर्को चरणमा प्रवेश गर्नेछन् । यसै कारण नतिजालाई समयमै र त्रुटिरहित रूपमा सार्वजनिक गर्न बोर्डले विशेष सतर्कता अपनाइरहेको बताइएको छ ।

बोर्डले पछिल्ला वर्षहरूमा नतिजा प्रकाशन प्रक्रिया डिजिटल प्रणालीमार्फत गर्न थालेपछि समयमै नतिजा निकाल्न सहज भएको बताउँदै आएको छ । यस वर्ष पनि तोकिएको समयसीमाभित्र नतिजा सार्वजनिक गर्ने तयारी अन्तिम चरणमा पुगेको छ ।