त्रिविका पदाधिकारीकाे सामूहिक राजीनामा

काठमाडौं । त्रिभुवन विश्वविद्यालयका पदाधिकारीहरूले सामूहिक राजीनामा दिएका छन् । राजीनामा पत्र भने कर्मचारीमार्फत प्रधानमन्त्री कार्यालयमा पठाएका छन् । कुलपति एवं प्रधानमन्त्रीको निजि सचिवलाई पनि राजीनामा पत्र पठाइएकाे छ ।

त्रिविका उपकुलपति प्राडा दिपक अर्याल, शिक्षाध्यक्ष प्राडा खड्ग केसी र रजिस्ट्रार प्राडा केदारप्रसाद रिजालले राजीनामा दिएका हुन् । नयाँ सरकारालाई काम गर्न सहजताको लागि मार्गप्रशस्त गरेकाे उनले बताए ।

Advertisement

उपकुलपति अर्याल केपी ओली प्रधानमन्त्री भएको बेला नियुक्त भएका थिए । प्राडा केशरजंग बरालले उपकुलपतिबाट राजीनामा दिएपछि अर्याल गत २०८२ असार २५ मा उपकुलपति बनेका थिए । शिक्षाध्यक्ष केसी र रजिस्ट्रार रिजाल पुष्पकमल दाहाल प्रचण्ड प्रधानमन्त्री भएको बेला नियुक्त भएका थिए ।