सिद्धिचरण श्रेष्ठका कविता : ‘बा आउनु भएको छैन’

नेपाली साहित्यका युगकवि सिद्धिचरण श्रेष्ठको ११५औँ जन्मजयन्ती आज ।श्रेष्ठकाे  जन्मजयन्तीमा उहाँद्वारा लिखित कविता प्रस्तुत गरेका छाैं ।

पानी परिरहेछ,
हावा चलिरहेछ,
समयले अबेर ओढिसक्यो,
बत्ती बलिसक्यो,
भात पाकिसक्यो,
आमा कराउनु भइरहेछ-
बा आउनु भएको छैन ।

Advertisement

युग बद्लिसक्यो,
राणा ढलिसक्यो,
भन्दछ जंजीर टुटिसक्यो,
अझ पनि आजादी आएको छैन,
प्रगति आएको छैन,
प्रजातन्त्र आएको छैन,
आमा कराउनु भइरहेछ-
बा आउनु भएको छैन ।

हाम्रो बिचारको घुँयेत्रोले
हाम्रो कल्पनाको बज्रले
अन्धकारको टाउको फुटिसक्यो
अझ पनि नयाँ बिहान आएको छैन
नयाँ युग आएको छैन
नयाँ दिन खुलेको छैन
आमा कराउनु भइरहेछ –
बा आउनु भएको छैन ।