विद्यार्थीलाई न्यानो कपडा वितरण 

Share this
786shares
मुलुकी खबर
मुलुकी खबर
clock२०८२ पुस १२, शनिबार १९:०६
विद्यार्थीलाई न्यानो कपडा वितरण 

विराटनगर । विराटनगरको राम आधारभूत विद्यालयका विद्यार्थीलाई न्यानो कपडा र स्टेशनरी वितरण गरिएको छ ।  ४१ क्लब नं. १ विराटनगरले विद्यालयका १ सय जना विद्यार्थीलाई जाडोका लागि स्वेटर, स्टेशनरी र खेलकुद सामग्री वितरण गरिएको हो।

क्लबले चिसोबाट बच्न, विद्यार्थीको शैक्षिक प्रोत्साहन र शारीरिक तथा मानसिक विकासमा सहयोग पुर्‍याउने उद्देश्यले न्यानोका लागि स्वेटर कापी, शैक्षिक सामग्रीका साथै खेलकुदका खेल सामग्री वितरण गरिएको क्लबका अध्यक्ष सुभाष अग्रवालले जानकारी दिए ।

उनले सामुदायिक विद्यालय र विपन्न वर्गका बालबालिकाको उत्थानका लागि क्लबले निरन्तर कार्य गर्दै आएको र आगामी दिनमा पनि सहयोग गर्ने बताए ।

कार्यक्रममा क्लबका सदस्यहरू राजकुमार गोयल, राजकुमार गोल्छा, सुरेन्द्र गोल्छा, रमेश राठी, किशन तोदी, दिनेश राठी, कमलेश अग्रवाल र मनिष बोहराको उपस्थिति रहेको थियो ।

यसअघि सो क्लबले यस विद्यालयमा घेराबारा, खानेपानी सुविधा र शौचालय निर्माणमा सहयोग गरेको थियो । क्लबको निरन्तर सहयोगले विद्यालयको भौतिक पूर्वाधार र सरसफाइको अवस्थामा उल्लेख्य सुधार आएको विद्यालय प्रशासनले जनाएको छ।

 

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.