
विराटनगर । मोरङको पथरीशनिश्चरेमा घाइते अवस्थामा फेला परेको मृगको उद्धार गरिएको छ ।
पथरीशनिश्चरे नगरपालिका–१ जयचोकस्थित हरियाली सामुदायिक वन नजिकै एसियन हाइवेमा सोमबार बिहान मृग घाइते अवस्थामा फेला परेको थियो । घाइते मृग रहेको सूचना प्राप्त भएपछि इलाका प्रहरी कार्यालय पथरीबाट खटिएको टोलीले उद्धार गरेको हो ।
मृगको आँखा र खुट्टामा चोट लागेको प्रहरीले जनाएको छ । उद्धार गरिएको मृगलाई आवश्यक संरक्षण तथा उपचारका लागि सब डिभिजन वन कार्यालय पथरीमा बुझाइएको छ ।



















