रवि लामिछानेसँग आज तेस्रो दिन पनि बयान लिइने

Share this
738shares
मुलुकी खबर
मुलुकी खबर
clock२०८१ कात्तिक २९, बिहीबार ०६:३०

रुपन्देही । पूर्वगृहमन्त्री एवं राष्ट्रिय स्वतन्त्र पार्टी (रास्वपा)का सभापति रवि लामिछानेसँग तेस्रो दिन आज (बिहीबार) पनि बयान लिइने भएको छ ।

सरकारी वकिल र प्रहरी अधिकारीको उपस्थितिमा बुधबार बिहान करिब १०ः१५ बजेबाट सुरु भएको बयान साँझ ७ बजेसम्म लिइएको थियो । नसकिएपछि आज फेरि कार्यालय समयमा उनलाई.बयानका लागि सरकारी वकिलको कार्यालय लगिने प्रहरीले जनाएको छ ।

रुपन्देहीको बुटवलस्थित सुप्रिम बचत तथा ऋण सहकारी संस्था लिमिटेडको रकम अपचलन गरेको आरोपमा लामिछानेलाई बयानका लागि मंगलबार पोखराबाट रुपन्देही लगिएको हो । बयानका क्रममा लामिछानेले आफूमाथि लागेको आरोप अस्वीकार गर्दै आएका छन् ।

उनलाई जिल्ला प्रहरी कार्यालय रुपन्देहीको हिरासतमा राखिएको छ । सरकारी वकिलको कार्यालयमा उनको लिखित बयान भइरहेको हो । स्रोतका अनुसार बयान लिने काम आज सकिने सम्भावना छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.