वक्तृत्वकला प्रतियोगितामा स्मृति प्रथम

विराटनगर । विराटनगरको अरनिको कलेजले आयोजना गरेको वक्तृत्वकला प्रतियोगितामा कक्षा १२ की छात्रा स्मृति आचार्य प्रथम भएकी छन् ।

बुधबार कलेजमा आयोजना गरेको ‘सपना र संघर्षको संगम : जेनजी युवाको पहिचान’ विषयमा आयोजित उत्कृष्ट विचार प्रस्तुत गरेर स्मृति प्रथम भएकी हुन् । समीक्षा पौडेल द्वितीय  र आँचल यादवले तृतीय भइन् ।

Advertisement

सन्ध्या यादव र रजतकुमार साहको बराबरी नम्बर भएपछि दुवै जनालाई चौथो पुरस्कार दिइएको थियो ।
विद्यार्थीभित्र रहेको प्रतिभा प्रस्फुटन गराउने उद्देश्यले समसामयिक विषयमा केन्द्रित रहेर वक्तृत्वकला प्रतियोगिता आयोजना गरेको कलेजका प्राचार्य राजेश कार्कीले बताए ।

अरनिको कलेजले पठनपाठनसँगै अतिरिक्त क्रियाकलापलाई समेत प्राथमिकतामा राखेको उनले बताए ।

कलेजका सञ्चालक भरतराज दाहाल, निर्णायक द्वय नेपाल पत्रकार महासंघ मोरङकी अध्यक्ष सुशीला पाठक र मीनकुमार नवोदित, शिक्षिका अम्बिका खरेल, योगेश राजभण्डारी, अतिरिक्त क्रियाकलापका संयोजक विमल भट्टराईले विजेता विद्यार्थीलाई ट्रफी र प्रमाणपत्र प्रदान गरे । प्रतियोगितामा २७ जनाले प्रतिस्पर्धा गरेका थिए ।