बाल संसारमा विज्ञान प्रदर्शनी

विराटनगर । विराटनगर –५ को बालसंसार इङ्ग्लिस स्कुलले एक दिने विज्ञान प्रदर्शनी कार्यक्रम गरेको छ । स्कुलले हरेक वर्ष विज्ञान प्रदर्शनी गर्दै आइरहेको छ ।

विद्यार्थीमा रहेका कला र सिर्जना प्रस्तुत गर्ने उद्देश्यले नियमित रूपमा प्रदर्शनी कार्यक्रम गर्दै आएको विद्यालयका प्रिन्सिपल खड्ग राईले जानकारी दिए । स्कुलमा अध्ययनरत सबै विद्यार्थीको सहभागितामा प्रदर्शनी कार्यक्रम गरिएको उनले बताए । विद्यार्थीले प्रदर्शनीमा तयार गरेका सामग्रीको अभिभावक, विद्यार्थी, शिक्षकहरूले अवलोकन गरेका थिए ।

विद्यार्थी अभिभावकहरूले अवलोकन गरी मूल्यांकन गरेका थिए । मूल्यांकनका आधारमा उत्कृष्टलाई विद्यालयले पुरस्कृत पनि गर्दै आएको छ ।

विद्यार्थीलाई अध्ययनसँगै हरेक गतिविधिमा अब्बल बनाउने उद्देश्यले स्कुलले नियमित रूपमा अतिरिक्त कार्यक्रम, खेलकुद, अध्ययन अवलोकनका कार्यक्रम गर्दै आएको प्रिन्सिपल राईले बताए ।