अनौपचारिक शिक्षाको तथ्याङ्क पनि अब ‘इमिस’ प्रणालीमा

Share this
751shares
मुलुकी खबर
मुलुकी खबर
clock२०८३ जेठ १, शुक्रबार १०:२९

काठमाडौं । शिक्षा तथा खेलकुद मन्त्रालय मातहतको शिक्षा तथा मानव स्रोत केन्द्रले अनौपचारिक शिक्षातर्फको शैक्षिक तथ्याङ्कलाई एकीकृत शैक्षिक व्यवस्थापन सूचना प्रणाली (इमिस) मा आबद्ध गराएको छ। केन्द्रले विद्यालय तहको तथ्याङ्क झैँ अब अनौपचारिक शिक्षाको विवरणलाई पनि डिजिटल प्रणालीमा समेट्न लागेको हो।

केन्द्रले हरेक वर्ष दुई पटक शिशु कक्षादेखि कक्षा १२ सम्मको सबै तथ्याङ्क अद्यावधिक गर्दै आएको थियो। अब भने अनौपचारिक शिक्षाको तथ्याङ्क पनि सङ्कलन र प्रविष्टि आरम्भ गरिएको छ। केन्द्रका निर्देशक माधवप्रसाद पोख्रेलले सबै स्थानीय तह र सामुदायिक सिकाइ केन्द्रलाई अनौपचारिक शैक्षिक तथा आजीवन सिकाइसँग सम्बन्धित हालसम्मको विवरण अद्यावधिक गर्न पत्राचार गरिएको बताए।

मन्त्रालयबाट प्रकाशित ‘शैक्षिक सूचना, २०८१’ अनुसार हाल मुलुकभर दुई हजार १५१ सामुदायिक सिकाइ केन्द्र, १२१ खुला विद्यालय र १७१ अनौपचारिक विद्यालय सञ्चालनमा छन्। यी सबै निकायको तथ्याङ्क प्रणालीमा आएपछि अनौपचारिक शिक्षाको अवस्था र प्रभावकारिता मापन गर्न सहज हुने केन्द्रको विश्वास छ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.