सत्ता समीकरण फेरिएपछि लुम्बिनीका कांग्रेस मन्त्रीहरूको सामूहिक राजीनामा

बुटवल । लुम्बिनी प्रदेश सरकारमा सहभागी नेपाली कांग्रेसका मन्त्रीहरूले आफ्नो संसदीय दलका नेतालाई सामूहिक राजीनामा बुझाएका छन् ।

सरकारमा रहेका पाँचै जना मन्त्रीहरूले कांग्रेस संसदीय दलका नेता डिल्लीबहादुर चौधरीसमक्ष राजीनामा बुझाएका हुन् । सामाजिक विकासमन्त्री जन्मजय तिमिल्सिनाले दल नेता चौधरीलाई राजीनामा हस्तान्तरण गरिसकेको पुष्टि गरे ।

Advertisement

नेकपा एमाले र नेपाली कम्युनिस्ट पार्टी ९नेकपा० बीच शनिबार प्रदेश सरकारहरूमा सहकार्य गर्ने सहमति बनेपछि आइतबार कांग्रेसका मन्त्रीहरूले यो कदम चालेका हुन् ।

लुम्बिनी सरकारमा कांग्रेसका तर्फबाट सहरी विकास तथा खानेपानी मन्त्री सरोज थापा, आर्थिक मामिला मन्त्री धनेन्द्र कार्की, उद्योग, पर्यटन तथा यातायात मन्त्री प्रचण्डविक्रम न्यौपाने, सामाजिक विकास मन्त्री जन्मजय तिमिल्सिना र वन तथा वातावरण मन्त्री देवकरण कलवार सहभागी थिए ।

अब कांग्रेस संसदीय दलले नै मुख्यमन्त्री चेतनारायण आचार्यलाई राजीनामा पत्र बुझाएर सरकारलाई दिएको समर्थनसमेत फिर्ता लिने तयारी गरेको छ । एमालेबाट प्रतिनिधित्व गर्ने मुख्यमन्त्री आचार्यको नेतृत्वमा यसअघि कांग्रेस-एमाले सहकार्यको सरकार थियो । एमाले र नेकबीच नयाँ सहमति बनेसँगै कांग्रेस अब प्रतिपक्षमा पुग्ने भएको छ ।