२०८३ श्रावण १३, बुधबार ०६:२०
काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछानेले सुनसरीको देवानगन्ज घटनाकेन्द्रित सर्वदलीय बैठक आह्वान गरेका छन् ।
बैठकमा गोलीकाण्डपछि घटनापछि उत्पन्न परिस्थितिका बारेमा छलफल हुने छ । रास्वपाका महामन्त्री विपिनकुमार आचार्यका अनुसार बैठक बुधबार बिहान ८ बजे सिंहदरबारस्थित सार्वजनिक लेखा समितिको सभाहलमा बस्नेछ ।
बैठकमा संघीय संसदमा प्रतिनिधित्व गर्ने सबै राजनीतिक दलका साथै मधेस केन्द्रित दलका नेताहरूलाई पनि आमन्त्रण गरिएको छ । जनता समाजवादी पार्टी (जसपा)का अध्यक्ष उपेन्द्र यादव, लोकतान्त्रिक समाजवादी पार्टी (लोसपा)का अध्यक्ष महन्थ ठाकुर तथा जनमत पार्टीका अध्यक्ष सीके राउतलाई समेत बैठकमा सहभागी हुन निमन्त्रणा गरिएको रास्वपाले जनाएको छ ।
महामन्त्री आचार्यका अनुसार सभापति लामिछानेले विभिन्न राजनीतिक दलका नेताहरूलाई व्यक्तिगत रूपमा टेलिफोन गरेर बैठकमा सहभागी हुन आग्रह गरेका छन् । देवानगन्ज घटनापछि विकसित राजनीतिक तथा सामाजिक परिस्थितिका बारेमा साझा धारणा बनाउन र आगामी कदमका विषयमा छलफल गर्न सर्वदलीय बैठक बोलाइएको रास्वपाले जनाएको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×