‘हिन्दू अधिराज्य र संवैधानिक राजसंस्था पुनःस्थापना हाम्रो एजेन्डा’

Share this
622shares
मुलुकी खबर
मुलुकी खबर
clock२०८३ साउन २१, बिहीबार १३:४४

काठमाडौं । नवगठित जय नेपाल पार्टीका अध्यक्ष डा. धवलशमशेर राणाले आफूहरूले हिन्दू अधिराज्य, संवैधानिक राजसंस्था र लोकतान्त्रिक प्रणालीलाई मुख्य राजनीतिक एजेन्डाका रूपमा अघि बढाउने बताएका छन्। काठमाडौँमा बिहीबार आयोजित पत्रकार सम्मेलनमा उनले पार्टीका नीति र प्राथमिकता सार्वजनिक गरेका हुन्।

राणाले आफूहरूले सक्रिय नभई अभिभावकीय, राष्ट्रिय एकता र राष्ट्र रक्षकको भूमिकामा रहने संवैधानिक राजसंस्थाको पुनःस्थापना चाहेको स्पष्ट पारे। नेपाललाई धर्मनिरपेक्ष बनाउने निर्णय गलत भएको दाबी गर्दै उनले सडक र संसद दुवै माध्यमबाट शान्तिपूर्ण रूपमा हिन्दू अधिराज्य फर्काउन पहल गर्ने बताए। पार्टीले सनातन धर्मका साथै किराँत, बौद्ध लगायत सबै धर्मावलम्बीको सम्मान गर्ने नीति लिने उहाँको भनाइ छ।

आगामी साउन २८ गते निर्वाचन आयोगमा पार्टी दर्ता गराउने तयारी भइरहेको जानकारी दिँदै अध्यक्ष राणाले केन्द्रीय समितिको औसत उमेर ४५ वर्ष कायम गरिने बताए। पार्टीलाई युवा र महिला केन्द्रित बनाउँदै सामूहिक नेतृत्व र आन्तरिक लोकतन्त्रलाई प्राथमिकता दिइने उनले उल्लेख गरे।

व्यक्तिगत स्वेच्छाचारिताको अन्त्य गर्दै सर्वसम्मत वा बहुमतका आधारमा निर्णय गरिने र कार्यकर्ताहरू आन्तरिक रूपमा सन्तुष्ट रहने ‘खुसी पार्टी’ बनाउने दाबी पनि उनले गरे।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.