२०८३ भाद्र ३१, बुधबार ११:०४
काठमाडौं । सर्वोच्च अदालतको मुद्दा फाँटमा मंगलबार राति विद्युत् सर्ट भएर आगलागी भएको छ। आगलागीबाट मुद्दा फाँटमा रहेका टेबल, कुर्सी र तीनवटा कम्प्युटरमा क्षति पुगेको अदालतका प्रवक्ता अर्जुनप्रसाद कोइरालाले जानकारी दिए।
‘गएराति विद्युत् सर्ट भएर आगलागी भए पनि महत्वपूर्ण मिसिल तथा फाइल सुरक्षित छन्,’ प्रवक्ता कोइरालाले भने, ‘ढोका बन्द रहेको अवस्थामा आगलागी भएकाले विद्युत् सर्ट भएर आगलागी भएको कुरा कार्यालय खुलेपछि मात्रै जानकारी भयो।’
२०८२ भदौ २४ गतेको आगजनीपछि सर्वोच्च अदालतले एनेक्स भवन र निर्माणाधीन नयाँ भवनबाट आफ्नो काम सञ्चालन गर्दै आएको छ। अहिले निर्माणाधीन भवनको एउटा भागमा इजलास र प्रशासनसम्बन्धी काम सञ्चालन भइरहेको छ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×