२०८३ भाद्र ३१, बुधबार १६:३२
काठमाडौं । पछिल्लो २४ घण्टामा संखुवासभाको टासीगाउँमा सबैभन्दा धेरै वर्षा भएको छ । मौसम पूर्वानुमान महाशाखाका अनुसार टासीगाउँमा २८३.९ मिलिमिटर वर्षा मापन भएको हो । यो बिहान साढे ११ बजेसम्मको वर्षाको अवस्था हो ।
यस्तै, तनहुँको थाप्रेकमा १६३.२ मिलिमिटर वर्षा भएको महाशाखाले जनाएको छ । पछिल्लो २४ घण्टामा देशका विभिन्न स्थानमा भारी वर्षा भएको र केही क्षेत्रमा अझै वर्षा भइरहेको महाशाखाको विवरण छ ।
छोटो समयमा ठूलो वर्षा हुँदा नदी तथा खोलामा जलसतह बढ्नुका साथै पहाडी क्षेत्रमा बाढी, पहिरो र डुबानको जोखिम बढ्न सक्छ । त्यसैले भारी वर्षा भएका तथा सम्भावित प्रभावित क्षेत्रका बासिन्दालाई आवश्यक सतर्कता अपनाउन मौसम पूर्वानुमान महाशाखाले आग्रह गर्दै आएको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×