भोटेकोशी बाढी : १ हजार ४३६ शव फेला, ४ हजार ६५५ अझै बेपत्ता

काठमाडौं । भोटेकोशीमा आएको विनाशकारी बाढीपछि बेपत्ता तथा मृतकको संख्या बढ्दो क्रममा रहेको छ । आइतबार बिहान ८ बजेसम्म विभिन्न जिल्लाबाट १ हजार ४३६ जनाको शव फेला परेको छ भने ४ हजार ६५५ जना अझै बेपत्ता छन् ।

प्रहरीका अनुसार रसुवामा २२३, नुवाकोटमा २०३, धादिङमा ७२, चितवनमा ३६५, गोरखामा ७९, तनहुँमा ३८, नवलपरासी पूर्वमा २३२ र नवलपरासी पश्चिममा २२२ जनाको शव फेला परेको छ । यसबाहेक काठमाडौंमा उपचारका क्रममा दुई जनाको मृत्यु भएको छ ।

Advertisement

फेला परेका शवको पहिचानका लागि डीएनए परीक्षणलाई प्राथमिकता दिइएको छ । हालसम्म मृतकका १ हजार २८६ र आफन्तका १ हजार ९९७ गरी ३ हजार २८३ वटा डीएनए नमुना संकलन गरिएको प्रहरीले जनाएको छ ।

पहिचान प्रक्रिया पूरा गरेर हालसम्म १ हजार २९२ शव व्यवस्थापन गरिएको छ । पहिचान हुन नसकेका १ हजार ३६२ शवको विवरण नेपाल प्रहरीको वेबसाइटमा सार्वजनिक गरिएको छ ।

बाढी प्रभावित क्षेत्रमा उद्धार, खोजी, राहत वितरण तथा शव व्यवस्थापनका लागि ७ हजार ९७५ प्रहरी कर्मचारी परिचालन गरिएको छ । बेपत्ता भएकाहरूको खोजी कार्य अझै जारी रहेको प्रहरीले जनाएको छ ।

यसैबीच, विभिन्न जिल्लामा स्थापना गरिएका होल्डिङ सेन्टरमा १ हजार ३७२ जनालाई राखिएको छ । बाढीपछि ठूलो संख्यामा मानिस बेपत्ता भएपछि खोजी, पहिचान र शव व्यवस्थापनको कामलाई तीव्रता दिइएको छ ।