२०८३ आश्विन ४, आइतबार १८:१०
काठमाडौं । परराष्ट्रमन्त्री शिशिर खनाल संयुक्त राष्ट्रसंघको ८१औँ महासभामा सहभागी हुन आइतबार साँझ अमेरिकाको न्युयोर्क प्रस्थान गरेका छन् ।
त्रिभुवन अन्तर्राष्ट्रिय विमानस्थलबाट न्युयोर्कतर्फ प्रस्थान गरेका मन्त्री खनालले महासभाको उच्चस्तरीय सत्रमा नेपालको प्रतिनिधित्व गर्नेछन् । महासभाका क्रममा आयोजना हुने विभिन्न मन्त्रीस्तरीय बैठक तथा साइड इभेन्टमा समेत उनको सहभागिता रहनेछ ।
न्युयोर्कमा रहँदा मन्त्री खनालले विभिन्न मुलुकका प्रतिनिधि तथा उच्चस्तरीय अधिकारीसँग भेटवार्ता गर्ने कार्यक्रम छ । भेटवार्ताका क्रममा द्विपक्षीय सम्बन्ध, आपसी हित र अन्तर्राष्ट्रिय चासोका विषयमा छलफल हुने बताइएको छ ।
महासभाका विभिन्न अन्तर्राष्ट्रिय मञ्चमा नेपालका धारणा प्रस्तुत गर्नुका साथै उनले नेपालको प्राथमिकता र चासोका विषयलाई समेत अन्तर्राष्ट्रिय समुदायसमक्ष राख्नेछन् ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×