विदेशमा दसैँको टीका लगाउने समय देशअनुसार फरक

काठमाडौं । विदेशमा रहेका नेपालीले यस वर्षको बडादसैँको टीका कुन दिन र कति बजे लगाउने भन्ने अन्योल अब हटेको छ । अन्तर्राष्ट्रिय पञ्चाङ्ग निर्णय समितिले नेपालसहित विभिन्न २३ देशमा टीका लगाउने उत्तम साइत निर्धारण गरेको छ ।

नेपाल पञ्चाङ्ग निर्णायक समितिका सदस्य आचार्य लक्ष्मण पन्थीका अनुसार विदेशमा रहेका नेपालीको सुविधालाई ध्यानमा राखेर सम्बन्धित देशको स्थानीय समयअनुसार टीकाको साइत निर्धारण गरिएको हो । नेपालमा भने बडादसैंको टीका कात्तिक ४ गते बिहान १० बजेर २६ मिनेटमा लगाउने उत्तम साइत निर्धारण गरिएको छ ।

विदेशमा एउटै समयमा दसैँको टीका लगाउन नमिल्ने भएकाले स्थानीय समयअनुसार साइत फरक–फरक निर्धारण गरिएको समितिले जनाएको छ । दसैँको टीकाको साइत निर्धारण गर्दा सम्बन्धित स्थानको सूर्योदय र दशमी तिथिको अवस्थालाई मुख्य आधार बनाइन्छ ।

यसै कारण नेपालमा टीकाको साइत जुन समयमा पर्छ, विदेशका सबै नेपालीले त्यही समयमा टीका लगाउनुपर्ने हुँदैन । सम्बन्धित देशमा दशमी तिथि र सूर्योदयको अवस्था हेरेर स्थानीय समयअनुसार साइत तय हुने गरेको समितिले जनाएको छ ।

समितिले सार्वजनिक गरेको साइतअनुसार विभिन्न मुलुकमा रहेका नेपालीले आफ्नो स्थानका लागि तोकिएको समयमै टीका, जमरा र आशीर्वाद ग्रहण गर्न सक्नेछन् ।

यस्तो छ विदेशको साइत