२०८३ वैशाख २१, सोमबार १५:५७
विराटनगर । मोरङमा मुखबाट रगत बगिरहेको अवस्थामा एक जना पुरुष सोमबार बिहान मृत फेला परेका छन् ।
धनपालथान गाउँपालिका–४ कर्सियाका अन्दाजी ४० वर्षीय जीवन राम मृत फेला परेको मोरङ प्रहरीका निमित्त सूचना अधिकारी, इन्स्पेक्टर लेखनाथ दाहालले बताए । उनका अनुसार धनपालथान–६ दादरबेरियामा बिहान ५ः५५ बजेतिर राम मृत अवस्थामा भेटिएका हुन् ।
मुखबाट रगत बगेको अवस्थामा स्थानीयले मृत फेला पारेर प्रहरीलाई खबर गरेका थिए । उनको मृत्युको कारण खुल्न सकेको छैन । शवलाई पोस्टमार्टमका लागि रंगेली अस्पताल लगिएको छ ।
कर्सिया घर भएका राम कसरी दादरबेरिया पुगे भन्ने पत्ता लागेको छैन । घटनाको कारण पत्ता लगाउन इलाका प्रहरी कार्यालय रंगेलीका इन्स्पेक्टर नरेन्द्रकुमार बोगटी नेतृत्वको टोलीले थप अनुन्धान गरिरहेको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
