२०८३ भाद्र १८, बिहीबार १७:२८
काठमाडौं । नेपाल पत्रकार महासंघले भोटेकोशी बाढीमा बेपत्ता पत्रकार तथा पत्रकार परिवारका सदस्यको खोजी र उद्धार तीव्र बनाउन सरकारसँग आग्रह गरेको छ ।
महासंघले आज (बिहीबार) गृह र परराष्ट्र मन्त्रालयलाई पत्राचार गर्दै बेपत्ता पत्रकारको खोजी तथा उद्धार र क्षति व्यहोरेका पत्रकार तथा सञ्चारमाध्यमलाई तत्काल क्षतिपूर्ति उपलब्ध गराउन माग गरेको हो ।
महासंघका अनुसार भदौ १० गते रसुवाको भोटेकोशीमा आएको बाढीपछि पत्रकार तथा पत्रकार परिवारका सदस्यसहित केही व्यक्ति सम्पर्कविहीन छन् । महासंघले बेपत्ताको खोजीका लागि चीन र भारतसँग समेत कूटनीतिक पहल गर्न सरकारलाई आग्रह गरेको छ ।
महासंघले बाढीबाट प्रभावित पत्रकारका घर तथा सवारीसाधनमा भएको क्षतिको विवरणसमेत सरकारलाई उपलब्ध गराएको जनाएको छ । त्यस्तै, रसुवा एफएम, रेडियो लाङटाङ, रेडियो झरना र जालपा रेडियोलगायत सञ्चारमाध्यमको विद्युत् तथा भौतिक संरचनामा क्षति पुगेको भन्दै प्रसारण सेवा सञ्चालनका लागि आवश्यक सहयोग गर्न माग गरेको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×