२०८३ भाद्र २२, सोमबार १५:२४
काठमाडौं । नेपाली कांग्रेसले रसुवा, नुवाकोटलगायत क्षेत्रमा भदौ १० गते आएको बाढीपहिरोबाट प्रभावित नागरिकको राहत तथा पुनःस्थापनाका लागि प्रधानमन्त्री दैवी प्रकोप उद्धार कोषमा एक करोड रुपैयाँ सहयोग गरेको छ ।
सोमबार कांग्रेस महामन्त्री प्रदीप पौडेलको नेतृत्वमा गएको प्रतिनिधिमण्डलले अर्थमन्त्री डा. स्वर्णिम वाग्लेलाई भेटेर एक करोड रुपैयाँ बराबरको चेक हस्तान्तरण गरेको पार्टी प्रवक्ता देवराज चालिसेले जानकारी दिएका छन् ।
बाढीपहिरोबाट भएको ठूलो जनधनको क्षतिप्रति सहानुभूति प्रकट गर्दै प्रभावितको राहत र पुनःस्थापना कार्यमा सहयोग पुर्याउने उद्देश्यले पार्टीले उक्त रकम उपलब्ध गराएको कांग्रेसले जनाएको छ ।
चेक हस्तान्तरण कार्यक्रममा महामन्त्री पौडेलसँगै कोषाध्यक्ष उमेश श्रेष्ठ, प्रवक्ता चालिसे, प्रमुख सचेतक वासना थापा तथा रसुवाबाट निर्वाचित प्रतिनिधिसभा सदस्य मोहन आचार्यलगायत नेताहरूको सहभागिता थियो ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×