कांग्रेस निर्वाचन समितिको बैठकः अधिवेशन कार्यतालिका परिमार्जन गरिँदै

Share this
736shares
मुलुकी खबर
मुलुकी खबर
clock२०८३ भदौ २३, मंगलबार ०९:३७
नेपाली कांग्रेसद्वारा ‘निर्वाचन निर्देशिका, २०८३’ जारी

काठमाडौं । नेपाली कांग्रेस केन्द्रीय निर्वाचन समितिको बैठक आज (मंगलबार) बस्ने भएको छ । आगामी १५औँ महाधिवेशनअन्तर्गत विभिन्न तहका अधिवेशनको कार्यतालिका परिमार्जन गर्ने विषयमा छलफल गर्न बैठक बोलाइएको हो ।

समितिका सदस्य सचिव राजु कटुवालका अनुसार बैठक दिउँसो १ बजे ललितपुरको सानेपास्थित पार्टी केन्द्रीय कार्यालयमा बस्नेछ ।

कांग्रेसको आइतबार बसेको कार्यसम्पादन समितिको बैठकले क्रियाशील सदस्यता नवीकरण तथा अद्यावधिकसम्बन्धी विवाद टुंग्याउँदै सबै सदस्यलाई महाधिवेशन प्रक्रियामा सहभागी गराउने निर्णय गरेको थियो । त्यसैअनुसार निर्वाचन समितिले अधिवेशनको कार्यतालिका परिमार्जन गर्न लागेको हो ।

बैठकमा अधिवेशनको प्राविधिक तयारी, क्रियाशील सदस्यको अन्तिम नामावली व्यवस्थापन तथा यसअघि प्रभावित भएका तल्लो तहका अधिवेशनको नयाँ मिति तय गर्ने विषयमा छलफल हुने समितिले जनाएको छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.