सुनको मूल्य तोलामै १५ हजार ९ सयले घट्यो

Share this
720shares
मुलुकी खबर
मुलुकी खबर
clock२०८१ मंसिर १०, सोमबार १०:४८

काठमाडौं । सुनको मूल्य तोलामै एकैपटक १५ हजार ९ सय रूपैयाँले घटेको छ । पछिल्लो समय मूल्यमा एकैपटक यति धेरै गिरावट आएको हो ।

सरकारले भन्सार दर घटाएपछि सुनको मूल्य ह्वात्तै घटेको हो । सुनको मूल्य आज (सोमबार) प्रतितोला १ लाख ५१ हजार ३ सय रूपैयाँ कायम भएको छ । आइतबार १ लाख ६७ हजार २ सय रूपैयाँमा कारोबार भएको थियो ।

नेपाल सुनचाँदी व्यवसायी महासंघका अनुसार सरकारले सुनको भन्सार दर १० प्रतिशत कायम गरेपछि मूल्य घटेको हो । सरकारले सुनको भन्सार दर २० बाट १० प्रतिशतमा झारेको छ । त्यसको प्रभाव सुनको मूल्यमा परेको हो ।

सरकारले भन्सार दर २० प्रतिशत पुर्याएपछि नेपालमा सुन महँगो भएको थियो । भारतमा सस्तो हुन पुग्यो । जसका कारण सुनको तस्करी मौलाएको थियो ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.