राजस्थान रोयल्सले चेन्नई सुपर किंग्सलाई हरायो

विराटनगर । राजस्थान रोयल्सले मंगलबार चेन्नई सुपर किंग्सलाई ६ विकेटले पराजित गरेको छ । प्लेअफबाट बाहिरिइसकेका दुई टोलीबीचको खेलमा जित निकालेको रोयल्स आईपीएलको नवौं स्थानमा पुगेको छ ।

चेन्नईले अन्तिम खेलमा गुजरात टाइटन्सलाई ठूलो अन्तरले पराजित गरेमात्र टोलीले राजस्थान उछिन्न सक्छ । अन्यथा पाँच पटकको च्याम्पियन चेन्नई पुछारमै रहनेछ  । राजस्थान ८ र चेन्नई ६ अंकसहित पुछारको अन्तिम दुई स्थानमा छ ।

टस हारेपछि ब्याटिङ निम्तो पाएको चेन्नईले ८ विकेटको क्षतिमा १८८ रनको स्कोर बनायो । आयुष महात्रेले २० बलमा ८ चौका र १ छक्कासहित ४३, डेवल्ड ब्रेभिसले २५ बलमा २ चौका र ३ छक्कासहित ४२, शिवम दुबेले ३२ बलमा समान २ चौका र २ छक्कासहित ३९ तथा कप्तान महेन्द्रसिंह धोनीले १७ बलमा १६ रन बनाए  ।

वैभव सूर्यवंशीले ३३ बलमा ५७ रन बनाएपछि राजस्थानले १७‍.१ ओभरमै लक्ष्य पूरा गर्‍यो ।