बन्दुकधारीद्वारा ९ जनालाई बसबाट तानेर गोली हानी हत्या

पाकिस्तान । पाकिस्तानको बलुचिस्तानको झोब जिल्लामा अज्ञात बन्दुकधारीहरूले पन्जाबका ९ यात्रुहरूलाई बसबाट तानेर हत्या गरेका छन् ।

बलुचिस्तानको राजधानी क्वेटाबाट पन्जाब जाँदै गरेका २ यात्रु बसबाट यी यात्रुहरूलाई ओरालिएको थियो।

बीबीसीका अनुसार झोबका सहायक आयुक्त नवीद आलमले ९ यात्रुको मृत्यु भएको पुष्टि गरेका छन् । उनले मृतकको शव पन्जाब पठाउने व्यवस्था भइरहेको बताएका छन्।

यात्रुहरूलाई बसबाट ओरालेर मारिएको घटना बिहीबार साँझ सरकारी अधिकारीहरूका अनुसार अज्ञात बन्दुकधारीहरूले घेरेको क्षेत्रमा भएको थियो ।

यसैबीच, बलुचिस्तान सरकारका प्रवक्ता शाहिद रिदले एक विज्ञप्तिमा भने, आतंककारीहरूले कलात, मास्तुङ र झोबमा आक्रमण गरेका छन् । 

उनले भने, ‘सुरक्षा बलले तीनै ठाउँमा तुरुन्तै कारबाही गर्‍यो। हामी जनताको सुरक्षाको लागि पूर्ण रूपमा सतर्क छौँ।’