रास्वपाबाट १३ महिला उम्मेदवार विजयी

Share this
696shares
मुलुकी खबर
मुलुकी खबर
clock२०८२ फागुन २४, आइतबार १८:२६

काठमाडौं । प्रतिनिधि सभा निर्वाचन २०८२ मा राष्ट्रिय स्वतन्त्र पार्टी (रास्वपा) ले उठाएका १६ महिला उम्मेदवारमध्ये १३ जनाले ऐतिहासिक जित हासिल गरेका छन् । जुम्ला, सुनसरी–१ र हुम्ला बाहेकका क्षेत्रमा रास्वपाका महिला उम्मेदवारहरूले पुराना र स्थापित दलका नेताहरूलाई भारी मतान्तरले पराजित गरेका हुन् ।

काठमाडौँ–१ बाट रञ्जु दर्शनाले १५ हजार ४५५ मतसहित नेपाली कांग्रेसका प्रबल थापा क्षेत्रीलाई हराउँदै विजयको खाता खोलेकी छिन् । त्यस्तै, ललितपुर–३ मा डा. तोषिमा कार्कीले ४३ हजार ९६ मत प्राप्त गरी दोस्रो पटक आफ्नो सिट सुरक्षित गरेकी छिन् ।

उनले कांग्रेसका जितेन्द्रकुमार श्रेष्ठ र नेकपाका राजकाजी महर्जनलाई ठूलो मतान्तरले पछाडि पारिन् । यसअघि काठमाडौँ–२ बाट सांसद रहेकी सोविता गौतमले यसपटक चितवन–३ रोजेर ५९ हजार २७७ मतसहित भारी जित निकालिन् । उनले भरतपुरकी पूर्व मेयर एवं नेकपा उम्मेदवार रेनु दाहाललाई पराजित गरेकी हुन् ।

मोरङ–६ बाट रुबिना आचार्य ५५ हजार ५१३ मतका साथ विजयी भइन् भने उनका प्रतिस्पर्धी कोइराला १२ हजार ८५० मतमा सीमित भए । कास्की–३ बाट समाजसेवामा सक्रिय बिना गुरुङले कांग्रेसका मनोज गुरुङलाई तेब्बर मतान्तरले पराजित गर्दै संसद्को यात्रा तय गरेकी छिन् । सुदूरपश्चिमको कैलाली–१ मा सफल कृषि उद्यमी कोमल ज्ञवाली १७ हजार ८६२ मतसहित निर्वाचित भएकी छिन् ।

निर्वाचनमा रास्वपाका तीन महिला उम्मेदवारले भने पराजय भोग्नुपर्यो । जुम्लामा बिनिता कठायत राप्रपाका ज्ञानेन्द्र शाहीसँग, सुनसरी–१ मा सरिन तामाङ श्रम संस्कृति पार्टीका हर्क साम्पाङसँग र हुम्लामा टासी ल्हान्जोम पराजित भएका हुन् । समग्रमा रास्वपाको यो नतिजाले नेपाली राजनीतिमा महिला नेतृत्वको बलियो उदय भएको संकेत गरेको छ ।

तपाइको प्रतिक्रिया
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
खराब मौसमले विराटनगरका बिहानका सबै उडान रद्द, सयौँ यात्रु प्रभावित
इनम सापकोटा प्रकरणमा सरकारको अनुसन्धानमाथि पोखरेलको प्रश्न
कनकाईमा आगजनीबाट दुई कुन्यूको धान र पराल नष्ट
© 2024 Muluki Khabar. All Rights Reserved. Design & Develop By: Indesign Media Pvt. Ltd.