ऐतिहासिक निर्वाचन सम्पन्न भएकोमा गृहमन्त्रीद्वारा सुरक्षा निकायलाई धन्यवाद

Share this
756shares
मुलुकी खबर
मुलुकी खबर
clock२०८२ फागुन २७, बुधबार १७:१८

काठमाडौं। गृहमन्त्री ओमप्रकाश अर्यालले स्वच्छ, निष्पक्ष र भयरहीत वातावरणमा प्रतिनिधिसभा निर्वाचन सम्पन्न भएकोमा केन्द्रीय सुरक्षा समिति, प्रदेश कमाण्ड पोस्ट तथा जिल्ला सुरक्षा समितिका पदाधिकारीहरूलाई धन्यवाद दिएका छन् ।

गृहसचिव राजकुमार श्रेष्ठ, चारवटै सुरक्षा निकायका प्रमुख, मन्त्रालयका महाशाखा प्रमुखहरू, प्रदेश कमाण्ड पोस्ट तथा जिल्ला सुरक्षा समितिका पदाधिकारीहरूको सहभागितामा भएको भर्चुअल बैठकमा मन्त्री अर्यालले निर्वाचनको समीक्षा गरे । उनले रक्तपातविहीन ऐतिहासिक निर्वाचन सम्पन्न गर्न सातै प्रदेशका प्रदेश कमाण्ड पोस्ट र ७७ वटै जिल्लाका सुरक्षा समितिका पदाधिकारीहरूले सफलतापूर्वक भूमिका निर्वाह गरेको बताए ।

निर्वाचनपश्चात् संविधानले सही बाटो समातेको र राजनीतिक सुशासनको जग बसालिएको उल्लेख गर्दै मन्त्री अर्यालले यस ऐतिहासिक उपलब्धिको हिस्सेदार केन्द्रदेखि फिल्डसम्म खटिने सबै कर्मचारी रहेको बताए । सामूहिक र साझा प्रयासबाट मात्र यस्तो सफलता हासिल गर्न सम्भव भएको उनको भनाइ थियो ।

गृहसचिव राजकुमार श्रेष्ठले सबैले व्यावसायिक निष्ठा र असल नियतका साथ जिम्मेवारी पूरा गरेकाले अन्तर्राष्ट्रिय पर्यवेक्षकबाट समेत उच्च प्रशंसा प्राप्त भएको बताए ।

बैठकमा सहभागी प्रदेश तथा जिल्ला सुरक्षा समितिका पदाधिकारीहरूले निर्वाचन सुरक्षा व्यवस्थापनबारे आफ्ना अनुभव सुनाएका थिए । उनीहरूले विगत ३० वर्षको अवधिमा भएका निर्वाचनभन्दा यसपटकको निर्वाचन बढी स्वच्छ, निष्पक्ष र त्रुटिरहित भएको बताउँदै गृहमन्त्री अर्यालको कुशल नेतृत्व र अभिभावकत्वको प्रशंसा गरे ।

तपाइको प्रतिक्रिया
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
खराब मौसमले विराटनगरका बिहानका सबै उडान रद्द, सयौँ यात्रु प्रभावित
इनम सापकोटा प्रकरणमा सरकारको अनुसन्धानमाथि पोखरेलको प्रश्न
कनकाईमा आगजनीबाट दुई कुन्यूको धान र पराल नष्ट
© 2024 Muluki Khabar. All Rights Reserved. Design & Develop By: Indesign Media Pvt. Ltd.