कहाँ बस्छन् नयाँ मन्त्री ? भैंसेपाटीस्थित मन्त्री निवास अझै खण्डहर

Share this
660shares
मुलुकी खबर
मुलुकी खबर
clock२०८२ चैत ४, बुधबार १६:३४

काठमाडौं। निर्वाचन सम्पन्न भई देशले नयाँ सरकार पाउने तयारी भइरहँदा नयाँ मन्त्रीहरू कहाँ बस्ने भन्ने विषय अन्योलमा परेको छ। गत भदौ २३ र २४ गतेको जेन-जी आन्दोलनका क्रममा ललितपुरको भैंसेपाटीस्थित मन्त्री निवासमा भएको आगजनी र तोडफोडका कारण २७ मध्ये २६ ब्लक काम नलाग्ने गरी ध्वस्त भएका छन्।

आन्दोलनका क्रममा रक्षामन्त्रीको निवास बाहेक अन्य सबै भवनमा क्षति पुगेको थियो। हाल सोही सुरक्षित भवनमा अन्तरिम सरकारका वनमन्त्री माधवप्रसाद चौलागाईँ बसिरहेका छन् भने अन्य मन्त्रीहरू आफ्नै वा भाडाका घरमा बस्न बाध्य छन्।

करिब ३ अर्ब रुपैयाँको लागतमा निर्मित यो सुविधासम्पन्न परिसर एक वर्षमै खण्डहरमा परिणत भएपछि सहरी विकास मन्त्रालयले नयाँ मन्त्रीहरूका लागि अस्थायी विकल्पको खोजी गरिरहेको छ।

सहरी विकास मन्त्रालय मातहतको संघीय सचिवालय निर्माण तथा व्यवस्थापन कार्यालयले नयाँ मन्त्रिपरिषद्को आकार तय भएपछि मात्र आवासको अन्तिम निर्णय हुने जनाएको छ। कार्यालयका प्रमुख चक्रवती कान्तका अनुसार काठमाडौंमा घर भएका मन्त्रीलाई आफ्नै निवासमा बस्न प्रोत्साहन गर्ने र घर नभएकाहरूका लागि भाडाको घर खोजिदिने योजना छ। यसका लागि मन्त्रालय र प्रधानमन्त्री कार्यालयबीच समन्वय भइरहेको छ।

ध्वस्त भएका भवनहरूको पुनर्निर्माणका लागि ११ वटा आवासको बोलपत्र आह्वान भई मूल्यांकनको प्रक्रिया सुरु भएको छ भने बाँकी १५ वटा ब्लकका लागि टेन्डर आह्वान गर्ने तयारी छ। यीमध्ये ११ वटा भवन आगामी असारसम्ममा तयार हुने लक्ष्य राखिएको छ। यसअघि पुल्चोकमा रहेका मन्त्री निवासहरूलाई भने हाल न्यायाधीश निवासमा परिणत गरिसकिएको छ।

तपाइको प्रतिक्रिया
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
खराब मौसमले विराटनगरका बिहानका सबै उडान रद्द, सयौँ यात्रु प्रभावित
इनम सापकोटा प्रकरणमा सरकारको अनुसन्धानमाथि पोखरेलको प्रश्न
कनकाईमा आगजनीबाट दुई कुन्यूको धान र पराल नष्ट
© 2024 Muluki Khabar. All Rights Reserved. Design & Develop By: Indesign Media Pvt. Ltd.