झापामा गाडी चलाउँदै गरेका चालकको मृत्यु

Share this
734shares
मुलुकी खबर
मुलुकी खबर
clock२०८२ चैत ६, शुक्रबार ०६:२४

विराटनगर । झापाको कमल गाउँपालिका–५ स्थित सितापुरी चोकमा गाडी चलाउँदै गरेका चालकको अचानक मृत्यु भएको छ ।

पूर्व–पश्चिम राजमार्ग भएर झापाको बिर्तामोडबाट मोरङको पथरीशनिश्चरेतर्फ आउँदै गरेको प्र १–०४–००१ च ००८० नम्बरको स्कोरपियो गाडीका चालक अचानक बेहोस भएका थिए । बेहोस भएको केही बेरमै स्कोरपियो चालक मोरङको पथरीशनिश्चरे नगरपालिका–९ का ४५ वर्षीय योगेश धिमालको मृत्यु भएको प्रहरीले जनाएको छ ।

प्रहरीका अनुसार गाडी चलाइरहेका बेला शुक्रबार साँझ ६ः३० बजेतिर असहज महसुस गरेका उनी तत्काल बेहोस भएका थिए । सडक किनारमा रोकिएको गाडीका यात्रुहरुले उनलाई बोलाए । तर, कुनै प्रतिक्रिया दिएनन् ।

गाडीकै यात्रुहरुले स्थानीयको सहयोगमा धिमाललाई उपचारका लागि दमकस्थित निम्स अस्पताल पुर्याएका थिए । धिमाललाई राति ८ बजेतिर चिकित्सकले मृत घोषित गरिदिएको प्रहरीले जनाएको छ । धिमाल किन बेहोस भए र उनको के कारणले मृत्यु भयो भन्ने यकिन भइसकेको छैन ।

इलाका प्रहरी कार्यालय दमकले घटनाको अनुसन्धान गरिरहेको छ । शवलाई पोस्टमार्टमका लागि मोरङको उर्लाबारीस्थित मदन भण्डारी अस्पताल एवं ट्रमा सेन्टर पठाइएको प्रहरीले जनाएको छ । पोस्टमार्टम रिपोर्ट आएपछि र थप अनुसन्धानपछि मृत्युको कारण पत्ता लाग्ने प्रहरीले जनाएको छ ।

तपाइको प्रतिक्रिया
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
खराब मौसमले विराटनगरका बिहानका सबै उडान रद्द, सयौँ यात्रु प्रभावित
इनम सापकोटा प्रकरणमा सरकारको अनुसन्धानमाथि पोखरेलको प्रश्न
कनकाईमा आगजनीबाट दुई कुन्यूको धान र पराल नष्ट
© 2024 Muluki Khabar. All Rights Reserved. Design & Develop By: Indesign Media Pvt. Ltd.