एभरेस्ट स्कुलका कक्षा १ उत्तीर्ण विद्यार्थीलाई गरियो दीक्षित

Share this
726shares
मुलुकी खबर
मुलुकी खबर
clock२०८२ चैत १७, मंगलबार २१:०३
एभरेस्ट स्कुलका कक्षा १ उत्तीर्ण विद्यार्थीलाई गरियो दीक्षित

विराटनगर । विराटनगरको एभरेस्ट सेकेन्डरी स्कुलबाट कक्षा १ उत्तीर्ण विद्यार्थीलाई दीक्षित गरिएको छ ।

दीक्षान्त समारोहमा विद्यार्थीहरूलाई स्कुलका प्रिन्सिपल टीकाराम पुरी, भाइस प्रिन्सिपल द्वय टीएन भण्डारी र कुन्दन पुरीले प्रमाणपत्र प्रदान गर्दै दीक्षित गराएका हुन् । दीक्षित विद्यार्थीलाई प्राथमिक तह हुँदै उच्च शिक्षा सफलताको कामना गरिएको छ ।

कार्यक्रममा कक्षा १ का विद्यार्थी आरोन घिमिरे, कास्भी झा, शब्दित दाहाल, आरोही यादवले आआफ्नो सेक्सनको प्रतिनिधित्व गर्दै विद्यालय तथा शिक्षक शिक्षिकालाई धन्यवाद ज्ञापन गरे ।

यस्तै, विद्यालयका प्रिन्सिपल पुरीले एभरेस्ट स्कुलका हरेक विद्यार्थी सबै क्षेत्रमा अब्बल हुनुपर्ने मान्यता राखिएको भन्दै त्यसका लागि विद्यालयका तर्फबाट अधिकतम प्रयत्न गरिएको बताए । स्कुलले विश्व स्तरीय शिक्षा दिनका लागि सोही अनुसारका विभिन्न संस्थासँगको सहकार्य गरेको स्मरण गराउँदै, उनले स्कुलका विद्यार्थी विश्वसँग प्रतिस्पर्धा गर्न सक्ने व्यक्ति बन्ने विश्वास व्यक्त गरे ।

उनले भने, ‘हामीले जति प्रयत्न गरेका छौँ, अभिभावकले त्यही विश्वास र वातावरण दिनुभएको छ, हाम्रा विद्यार्थी विश्व स्तरीय शिक्षाका साथ अघि बढिरहेका छन् ।’

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.