२०८३ असार २२, सोमबार १९:१४
काठमाडौं । एसियाली विकास बैंक (एडीबी) सँग नेपाल सरकारले करिब २५ अर्ब रुपैयाँ (१६ करोड ५० लाख अमेरिकी डलर)बराबरको सहुलीयतपूर्ण ऋण सम्झौता गरेकाे छ ।
एडीबीका अध्यक्ष मासातो कान्दाको नेपाल भ्रमणको अवसरमा सोमबार दुई छुट्टाछुट्टै आयोजनाका लागि यो सम्झौता भएको हो ।
सम्झाैता अनुसार साना तथा मझौला सहरमा एकीकृत पूर्वाधार निर्माणका लागि ११ करोड ५० लाख डलर खर्च गरिनेछ । याे रकम १३ जिल्लामा खर्च हुनेछ ।
भन्सार प्रक्रियाको आधुनिकीकरण र व्यापार सहजीकरणका लागि ५ करोड डलर खर्च गरिनेछ । यसले व्यापार लागत घटाउन र रोजगारी सिर्जनामा सघाउनेछ ।
अर्थमन्त्री डा. स्वर्णिम वाग्लेको उपस्थितिमा भएको सम्झौतामा अर्थसचिव डा. घनश्याम उपाध्याय र एडीबीका निर्देशक आनो कुश्वाले हस्ताक्षर गरे । सो अवसरमा एडीबी अध्यक्ष कान्दाले नेपालको विकास प्राथमिकतामा सदैव साथ रहने बताए ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
