वरिष्ठ पत्रकार हरि लम्सालको निधन

काठमाडौं । वरिष्ठ पत्रकार हरि लम्सालको ७८ वर्षको उमेरमा निधन भएको छ। उनको शनिबार बिहान काठमाडौंस्थित ह्याम्स अस्पतालमा उपचारका क्रममा निधन भएको हो ।

लम्साल लामो समयदेखि फोक्सोसम्बन्धी समस्याको उपचार गराइरहेका थिए । उनले पाँच दशकभन्दा बढी समय पत्रकारितामा सक्रिय रहेर योगदान दिएका थिए ।

नेपाल पत्रकार महासंघ काठमाडौं शाखाका पूर्वसभापति लम्सालका श्रीमती, दुई छोरा र दुई छोरी छन् । उनको आजै पशुपति आर्यघाटमा अन्त्येष्टि गरिने नेपाल पत्रकार महासंघका महासचिव रामप्रसाद दाहालले जानकारी दिएका छन् ।