प्रश्नपत्र बाहिरिएको घटना छानबिन गर्न त्रिविले बनायो समिति

काठमाडौं । त्रिभुवन विश्वविद्यालय, व्यवस्थापन सङ्काय डिनको कार्यालयले एमबीएस प्रथम सेमेस्टरको प्रश्नपत्र परीक्षाकै समयमा बाहिरिएको घटनाको छानबिन गर्न तीन सदस्यीय समिति गठन गरेको छ ।

गत साउन ८ गते सञ्चालित एमबीएस प्रथम सेमेस्टरको ‘एमबीएस ६१५–अर्गनाइजेसनल बिहेभियर’ विषयको प्रश्नपत्र सामाजिक सञ्जालमार्फत सार्वजनिक भएपछि विश्वविद्यालयले यो कदम चालेको हो ।

Advertisement

गठित छानबिन समितिको संयोजकमा त्रिवि केन्द्रीय विभागका प्रा. डा. अच्युत वाग्ले रहेका छन् । समिति सदस्यहरूमा केन्द्रीय अनुगमन निर्देशनालयका उपनिर्देशक पुष्कर रैखला र केन्द्रीय परीक्षा समितिका सदस्य महेशराज ओझा छन् ।

समितिलाई सत्यतथ्य छानबिन गरी प्रतिवेदन बुझाउन सात दिनको समय दिइएको त्रिवि व्यवस्थापन सङ्कायका सहायक डिन डा. भरत राईले जानकारी दिए ।