
काठमाडौं । प्रधानमन्त्री बालेन्द्र शाहको भारत भ्रमणलाई राजकीय भ्रमणका रूपमा आयोजना गर्ने तयारी भारतले गरेको छ । भारतले भ्रमणलाई उच्च महत्त्व दिँदै राजकीय सम्मान दिने तयारी गरेको हो ।
प्रधानमन्त्री शाह आगामी मंसिर ६ गते भारत जाने र मंसिर ७ गते स्वदेश फर्कने तयारी छ । यद्यपि, दुवै देशले भ्रमणको औपचारिक मिति सार्वजनिक गरिसकेका छैनन् । परराष्ट्र मन्त्रालय स्रोतका अनुसार एक–दुई दिनभित्रै भ्रमणको मिति औपचारिक रूपमा घोषणा गर्ने तयारी भइरहेको छ ।
भ्रमणका क्रममा प्रधानमन्त्री शाहले भारतीय प्रधानमन्त्री नरेन्द्र मोदीसँग करिब आधा घण्टा एक्लाएक्लै भेटवार्ता गर्ने कार्यक्रम रहेको स्रोतले जनाएको छ । प्रधानमन्त्री शाहको भ्रमण टोलीमा चार मन्त्री सहभागी हुने भएका छन्। टोलीमा परराष्ट्रमन्त्री शिशिर खनाल, पूर्वाधार विकासमन्त्री सुनील लम्साल, ऊर्जामन्त्री विराजभक्त श्रेष्ठ र पर्यटनमन्त्री खडकराज पौडेल रहने तय भएको छ ।
भ्रमणका क्रममा नेपाल–भारत द्विपक्षीय सम्बन्ध, आर्थिक सहयोग तथा आपसी हितका विषयमा छलफल हुने अपेक्षा गरिएको छ ।

























