पूर्वी नाकाबाट पौने दुई अर्बको छुर्पी निर्यात

झापा। मुलुकको प्रमुख व्यापारिक नाका मेची भन्सार कार्यालयबाट गत आर्थिक वर्षमा १ अर्ब ७९ करोड २८ लाख १८ हजार रुपैयाँ बराबरको छुर्पी निर्यात भएको छ ।

अन्तर्राष्ट्रिय बजारमा नेपाली छुर्पीको माग निरन्तर बढ्दै जाँदा अघिल्लो आर्थिक वर्षको तुलनामा गत आवमा निर्यात करिब २७ प्रतिशतले वृद्धि भएको छ ।

मेची भन्सार कार्यालयका अनुसार आर्थिक वर्ष २०८१/८२ मा १ अर्ब ४१ करोड ७१ लाख ४ हजार रुपैयाँ बराबरको छुर्पी निर्यात भएको थियो ।

कार्यालयका सूचना अधिकारी माङ्कल राईले बितेका पाँच वर्षदेखि छुर्पीको निर्यात निरन्तर बढिरहेको बताए । छुर्पी विशेष गरी कुकुर र बिरालोको आहारका रूपमा प्रयोग हुने गरेको छ । छुर्पी मुख्यगरी इलाम, पाँचथर र ताप्लेजुङमा उत्पादन हुन्छ ।