अभद्र व्यवहारको आरोपमा रास्वपा नेता यादव रौतहटबाट पक्राउ

काठमाडौं । सामाजिक सञ्जालमार्फत अभद्र किसिमको गालीगलौज गरेको आरोपमा राष्ट्रिय स्वतन्त्र पार्टी (रास्वपा) का नेता रविन्द्र यादव पक्राउ परेका छन् ।

मंगलबार साँझ करिब ७ बजेतिर जिल्ला प्रहरी कार्यालय रौतहटले उनलाई नियन्त्रणमा लिएको जनाएको छ । स्थानीय सागर यादवलाई लक्षित गरी सामाजिक सञ्जालमा आपत्तिजनक तथा अभद्र शब्द प्रयोग गरेको उजुरीका आधारमा उनलाई अनुसन्धानका लागि पक्राउ गरिएको प्रहरीले जनाएको छ ।

पछिल्लो समय सामाजिक सञ्जालमा राजनीतिक तथा व्यक्तिगत विषयलाई लिएर एक अर्काविरूद्ध अभद्र अभिव्यक्ति दिने क्रम बढ्दै गएको छ । यादवमाथि प्रहरीले थप कानुनी प्रक्रिया अगाडि बढाएको जनाएको छ ।