२०८३ श्रावण २९, शुक्रबार १४:३८
काठमाडौं। नेपाल क्रिकेट सङ्घ (क्यान) ले मलेसियामा आयोजना हुने एसीसी पुरुष प्रिमियर कप खेल्ने नेपाली राष्ट्रिय क्रिकेट टोलीलाई बिदाइ गरेको छ। नेपाल क्रिकेट सङ्घले आयोजना गरेको कार्यक्रममा सन्दीप लामिछानेको कप्तानीमा रहेको १४ सदस्यीय टोलीलाई सफलताको शुभकामनासहित बिदाइ गरिएको हो।
प्रतियोगितामा सहभागी हुन मलेसिया जानुअघि नेपाली टोली आजै भारत प्रस्थान गर्नेछ। भारतमा १० दिनसम्म विशेष तयारी र अभ्यास गरेपछि नेपाली टोली त्यतैबाट मलेसियातर्फ जाने तालिका रहेको क्यानले जनाएको छ। क्यानले हालै सन्दीप लामिछानेलाई एकदिवसीय टोलीको कप्तान चयन गर्दै १४ सदस्यीय टोलीको घोषणा गरेको थियो।
नेपाली टोलीमा कप्तान सन्दीप लामिछानेसहित आसिफ शेख, अर्जुन कुमाल, रोहित पौडेल, देव खनाल, दीपेन्द्र सिंह ऐरी, बसिर अहमद, ईशान पाण्डे, गुल्शन झा, शेर मल्ल, ललित राजवंशी, करण केसी, हेमन्त धामी र सन्दीप जोरा छन्।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×
×
