२०८३ श्रावण ३०, शनिबार ०८:२८
काठमाडौं । आसन्न २० औँ एसियाली खेलकुदको विशेष तयारीका लागि नेपाली पौडी टोली भारतको बैंगलरु जाने भएको छ । एक महिने प्रशिक्षणका लागि ५ खेलाडीसहित ७ सदस्यीय नेपाली टोली शनिबार (आज) भारत प्रस्थान गर्न लागेका हुन् ।
टोलीमा पुरुषतर्फ जाडेन श्रेष्ठ, अभिव प्रधान र इर्भिन श्रेष्ठ रहेका छन् भने महिलातर्फ डुवाना लामा र आर्या महर्जन रहेका छन् । टोलीको प्रशिक्षकमा रत्नलाल महर्जन र व्यवस्थापकमा शिरीष गुरुङ रहेका छन् ।
नेपाल पौडी संघद्वारा आयोजित एक कार्यक्रमका बीच राष्ट्रिय खेलकुद परिषद् (राखेप) का सदस्यसचिव रामचरित्र मेहता र नेपाल पौडी संघका अध्यक्ष जगतमान श्रेष्ठले टोलीलाई शुभकामना दिँदै बिदाइ गरे ।
२० औँ एसियाली खेलकुद आगामी असोज ३ गतेदेखि सुरु हुँदैछ । सोही प्रतियोगितामा उत्कृष्ट प्रदर्शन गर्ने लक्ष्यका साथ नेपाली टोलीले भारतमा वैदेशिक प्रशिक्षण गर्न लागेको हो ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×
×
